【世看疫情】侵侵又又又當眾發爛渣啦！美國總統特朗普不斷將美國防疫失敗一事賴中國，近日，侵侵在白宮嘅疫情記者會上再次針對中國，同時更對華裔記者表達不滿，記招上有位華裔女記者將「為何將病毒測試視為競賽」一事質問侵侵，侵侵即發爛渣，反叫華裔記者問中方喎！

當女記者問侵侵，點解美國在每日都有人死於新型肺炎、每天有大量新確診數字嘅情況下，仲要視病毒測試嘅數量為全球競賽？特朗普即發晒脾氣咁話，有關問題唔應該問佢，而係應該問中國，侵侵個樣仲好躁添！

之後嬲豬轉身離場

其後，女記者反問侵侵點解要針對佢，對其問出此問題時，侵侵則指自己非針對女記者，而係針對發問令人討厭問題嘅人，之後仲嬲豬咁拒絕美國有線電視新聞網記者嘅提問，然後轉身離場！

明明問題就與中國無關，偏偏要刻意提起，美國總統喎，丟唔丟架呢？

原圖：無綫新聞截圖