人稱「長洲覆核王」嘅郭卓堅又搞事啦！港澳辦、中聯辦早前鬧爆反對派立法會議員郭榮鏗，於內會拉布係濫用權力兼採取「政治攬炒」，更質疑他涉「公職人員行為失當」。
「長洲覆核王」郭卓堅見狀，當然又要嚟「抽水」，今到高等法院申請司法覆核。郭卓堅死攬自己友，其入稟狀指出，郭榮鏗一直按《議事規則》舉行立法會內務會議，因而質疑中聯辦之舉違反《基本法》第22條，又要求法庭頒令阻止中聯辦主任駱惠寧日後再發表違反《基本法》第22條嘅言論喎！
郭卓堅更於庭外侮辱中聯辦，指中聯辦只係「門口狗」非「太上皇」云云。
曾經話想到英國終老嘅郭卓堅真係好得閒，再問一次，你幾時會起程去英國？
原圖：星島日報
投票已截止，多謝支持
返回
