【世看疫情】特朗普為咗面子懶理人命？創意十足的美國總統特朗普日前為咗對付新冠病毒，提出兩大建議：研究人體注入消毒劑，以及研究人體照紫外線。果然係革命性建議，真係會革咗你條性命，結果自不然係全世界專家聲討特朗普！可能因為太羞家，特朗普周五的每日疫情簡報會只用咗短短22分鐘就鬆人（請按此重溫），周六索性取消埋，仲發爛揸發推賴記者愛問充滿敵意的問題而唔報事實，自己有破紀錄收視，卻令民眾只能收到假新聞云云。總之，有錯要認，要對方認。
有趣的是，不少報道提到，有白宮官員擔心，特朗普主持每日疫情簡報會，只會越幫越忙，又唔講疫情嘢而掛住噏政治。報道指官員們曾叫總統大人行行好咪搞亂檔，擔心佢曝光太多得其反，但總統大人唔聽囉。結果，官員們要花極多時間為總統大人擦屁股，例如研究人體注入消毒劑事件，媒體引述官員消息，話白宮為咗呢偉論花咗24小時善後。
有總統若此，美國還需要敵人嗎？希望唔好有人相信特朗普的鬼話，真係用人體注射消毒劑啦！
原圖：Donald J. Trump Facebook
https://www.facebook.com/DonaldTrump/photos/a.488852220724/10164144637600725/?type=3&theater
投票已截止，多謝支持
返回
