歌神許冠傑開網上演唱會為港人打氣，豈料竟惹來獲美國垂青去耶魯讀咗一陣書便自以為好了不起嘅「高」材生羅冠聰抽水揶揄(請按此重溫)。「耶魯羅」如此大言不慚，梗係畀人鬧到暈，包括專欄作家黃麗君。黃麗君在《頭條日報》專欄「中環High Tea」中，毫不客氣大字標題表示：「羅冠聰滾回美國吧！」

文章一如其題，火藥味相當濃烈。黃麗君連珠炮發質疑，「羅冠聰今年幾多歲？」除咗搞抗爭仲有乜嘢人生經歷？「知否他入住的公屋，如果他仍然住在東涌的公屋單位的話，以及他入讀嶺南大學的學費，有幾多是經香港幾代人的努力，打造出一個現代城市所帶來的福利？」串爆這位耶魯「高」材生乜都唔知，唔知香港係靠一代代人，包括佢好睇唔起嘅歌神許冠傑，齊齊努力夾手夾腳成就，而「耶魯羅」只係印印腳坐享其成，然後當正香港係踏腳石，成就佢嘅耶魯夢。

「大言不慚，不知感恩」

黃麗君直斥羅冠聰「大言不慚，不知感恩」，並串爆他去得美國讀書、崇尚美國價值，何以又在美國疫情大爆發之際不留美撐特朗普，反而回港做「貪生怕死鬼」？黃麗君請羅冠聰「滾回美國吧！香港不需要你，你也無資格留在香港！」，並狠狠直言：「如你所說：時代真的變了，因為香港有了你這種時代垃圾！」

黃麗君這篇文章固然罵得痛快淋漓，更重要是為黃絲帶口中的「廢老」討回公道：香港不是由一班乜都未做過嘅年輕「抗爭者」建造的！你們為社會帶來過甚麼？！

原圖：網絡視頻截圖、無綫新聞截圖

https://www.youtube.com/watch?v=bYYlN0oBfI0