【世看疫情】全球爆發新冠肺炎，疫情嚴重嘅美國卻爆內訌。總統特朗普日前強調重啟經濟由佢自己決定，稱擔任美國總統就係擁有絕對權力。侵侵此言一出，引爆權力之爭，紐約州長科莫（Andrew Cuomo）對此表示唔妥，更串爆侵侵直指「美國沒有皇帝」。

批侵侵硬來或違憲

在何時重啟經濟此問題上，美國各州出現分歧。侵侵表示國家最快可能會在5月1日重啟經濟活動，又指總統有一切權力。事後，科莫於每日疫情記者會上，直接串爆侵侵講法不成立，唔認同侵侵對重開經濟活動有最終決定權嘅說法，嘲諷侵侵嘅說法更似國王而非總統。他強調美國冇皇帝，只有一位民選總統，所以批評侵侵不能強迫各州重新開放。科莫表明侵侵如果下令重啟經濟活動，是會危害人民，他是不會遵從的。

科莫指侵侵嘅下令州政府重啟經濟活動係違憲，損害美國民主制度。又指侵侵係希望繼續喺權力分配問題上爭拗，但科莫表示現時疫情嚴峻，唔會同侵侵爭論呢啲問題。

侵侵嘅霸道本色，人人有眼可見，民主大國喎！反對派會唔會為民主評論兩句呢？

原圖：Governor Andrew Cuomo Facebook、Donald J. Trump Facebook

https://www.facebook.com/DonaldTrump/photos/a.10156483516640725/10163689098635725/?type=3&theater

https://www.facebook.com/GovernorAndrewCuomo/photos/a.340271619337391/3154952924535899/?type=3&theater