【世看疫情】美國終於知道口罩防疫好有用了…？據美媒報道，日前費城一名黑人男子冇戴口罩搭巴士，被多名戴住口罩的軍裝警察夾手夾腳拖落車，有啲警察捉實佢對腳，有啲則捉夾實佢對手。拖咗佢落車後，雖然警察們好快就放了手，但前前後後成堆警察一擁而上，將此君團團圍住。上載有關影片的帖子表示，拖此君落車的警察多達10個。

「Philly Transit Riders Union」Twitter帳戶上載這段影片時，在帖文寫道：「乘客們知道他們或會因沒戴口罩，就被10個警察拖落巴士嗎？」（do riders know that they might be pulled off a SEPTA bus by 10 cops for not having a mask?）唔好講笑，真係唔知，至少睇呢段片之前唔知囉。

網民：美國有否戴口罩的權利？

點解費城警察會咁做？事緣賓夕法尼亞洲東南地區交通局（SEPTA）發布新規定，要求所有乘客戴口罩。費城警方向美媒指，事件主人翁被巴士司機多次要求下車都拒絕，警方之後接報話有人搞事，警員到場後命令此君落車不果，於是就發生咗呢件事了。

美國總統特朗普對口罩相當不屑一顧，堅持唔戴，現在費城卻發生冇戴口罩就拖你落車事件，是否代表美國人終於醒水，知道口罩好有用呢？未必。有好事網民提起日前一宗報道：有美國黑人逛超市時，疑因戴了口罩而被警察驅逐。雖然件事而家查緊，但有網民不禁表示好亂：「此前戴口罩被抓，現在不戴口罩又被抓。自由民主的美國，到底有沒有戴口罩的權利？」唔知，不如問問侵侵總統啦。

原圖：Twitter影片截圖

https://twitter.com/i/status/1248656214642262016