舊金山交響樂團中提琴副首席劉韻傑日前曾發表新冠病毒「MADE IN CHINA」嘅貼文，網民即時嬲爆，同時有睇唔過眼嘅網民更爆出——劉韻傑與其朋友，即「上海四重奏」二提琴手、美籍華裔演奏家蔣逸文喺劉韻傑朋友圈下嘅紀錄，其中更有「據說墻內的豬們看不了」，其後蔣逸文即被學院解聘。

所為被譴責

網民大爆兩人對話，當中兩人辱罵中國人係「牆內的豬」、「蠢民」及「跪族」等等，言論令人震驚。事件發酵後，先係中國音樂家協會交響樂團聯盟率先就劉韻傑事件發出聲明，並表示對劉韻傑行為感到極大憤慨，並予以強烈譴責。

其後，蔣逸文所在嘅「上海四重奏」第一小提琴李偉剛亦發聲明，直指蔣逸文嘅言論不可接受，同時表示上海四重奏已經要求蔣逸文離開，而蔣逸文嘅辭呈已經生效。同時，蔣逸文原來受聘於天津茱莉亞學院，擔任學院常駐教師，但學院亦發表「解除蔣逸文聘用合同」嘅嚴正聲明，決定不再聘用蔣逸文。

據知，蔣逸文曾作道歉，但會否平息民憤仍是未知數！早知今日，何必當初？自己言行自己負責吧！

原圖：蔣逸文微博圖片