疫潮之下，人心惶惶，又是謠言漫天飛舞的時候！近日在留學生家長群組流傳一封署名Russel Smith的信件(見下圖)，聲稱自己收到英國軍方消息，該國將由「明天起正式封鎖全國(official lockdown)」云云，言之鑿鑿，嚇親不少子女仍滯留當地的家長。

但究竟消息是真是假？HKG報記者嘗試查找「信件發出人」，下款署名「Russel Smith」號稱來自一間名為「Russel Smith Assocciate」的公司，對照英國Company House 網站資料，其實只是一間2019年底才成立的私人公司。

消息來源疑為去年成立公司

記者進一步找到「Russel Smith Assocciate」的Facebook專頁，看內容應該是一間專做歌劇或舞台劇演員代理的經紀人公司，但專頁不能inbox詢問，轉去官網又說「並不存在」，連根據資料打長途電話去英國問都冇人聽，究竟發生咩事呢？

根據以上求證，其實不管是否有人用Russel Smith Assocciate公司信紙之名出「信」，內容屬假屬真其實冇人知。

不過咁，呢則謠言得以瘋傳也反映了一件客觀事實，就係英國嘅防疫措施確實做得唔好，搞到全世界都擔心。話唔定有朝一日被封「信件」講中，真係需要鎖國都未定？

總之一句講晒，謠言止於智者，大家信不信由你，但同時當然也要提高警惕、加強防疫，小心駛得萬年船啊！

原圖︰無綫新聞截圖