毒果報日前又傳大裁員，冇嘢嘅，一味靠嘩眾取寵、無品亂咁人身攻擊政見不同者，你估讀者眼盲睇唔到咩？毒果報冇乜廣告，摺埋順應天意而已。

有人就講得啱喇：人無善志，雖勇必傷。做得漢奸就預咗唔會有好結果，呢個係歷史鐵律。叛國禍港頭號漢奸黎智英嘅壹傳媒，旗下台灣《壹週刊》今個月尾又摺埋！風吹燈滅，已連續四年半錄得虧蝕累蝕逾十八億港元而尚「未止血」嘅壹傳媒，台灣業務冚旗亦意料中事。

黎智英除咗漢奸基因深種，又有誨淫誨盜血液難移，去到邊都急功近利，不顧傳媒正常生態，不顧傳媒操守，把狗仔隊文化帶到台灣，侵犯私隱又報道誇張失實，不時惹上官非。台灣唔似香港一味縱容包庇，一罰就罰到佢入心入肺！早係一二年及一七年，黎智英已打算賣盤止血，可惜冇人肯接個爛蘋果。黎智英喺台灣啲家當，幾乎已賣清光，再留係呢個傷心地，就好似太監上青樓，冇乜用，徒惹神傷。

在台灣家當幾乎賣清光

壹傳媒係香港「做」新聞吸睛，嘩眾取寵，揑造「陳健康召妓事件」，至今仍令讀者難以釋懷，而旗下刊物因發布不雅物品而被罰個案多達上百例，淫審處卻一味包庇，罰極都係幾千至幾萬，黎智英就當宣傳費。如果執正來做，早已罰到破產兼封艇喇，仲可以苟延殘喘咩？

壹傳媒創辦人黎智英為谷收視、廣告，以煽情手法，無所不用其極侵犯藝人、商人、政要私隱，將所謂「狗仔隊文化」發揚光大，屢被批評為「淫媒始祖」，而佢甘之如飴，愈來愈變態出位。黎智英扮乜嘢「民主鬥士」吖！呢！佢喺香港創辦《壹週刊》，掀起一輪狗仔隊跟蹤式、偷窺式嘅侵犯藝人私隱，偷影藝人換衫、偷拍剛去世女星遺體照片、指藝人夜蒲，無所不用其極，害到有家室嘅明星藝人雞毛鴨血，幾乎家變！

二十多年前，香港演藝人協會曾發起「72小時封嘴行動」，以抵制壹傳媒咁無恥下流賤格卑鄙、不顧傳媒操守嘅行為，好多藝人都響應不接受其訪問！之不過，黎智英誨淫誨盜染色體深植骨髓，愈犯愈多，曾被裁判官形容不雅物品檔案「厚如一疊」。

狗仔隊文化害人終害己

俗語話齋：「善有善報 ，惡有惡報，若然未報，時辰未到。」

黎智英嘅狗仔隊文化，倒頭來害人終害己。時辰一到，風吹燈滅，好行夾唔送！筆者都係個句：「出得嚟行，預咗要還！」

毒果報死翹翹時，香檳必被搶光！大家乾杯！

原圖：星島日報

https://std.stheadline.com/instant/articles/detail/1211113/%E5%8D%B3%E6%99%82-%E9%A6%99%E6%B8%AF-%E5%82%B3-%E8%98%8B%E6%9E%9C%E6%97%A5%E5%A0%B1-%E8%A3%81%E5%93%A1%E8%87%B3%E5%B0%9121%E4%BA%BA-%E5%B7%A5%E6%9C%83%E6%8E%A5%E6%B1%82%E5%8A%A9

https://std.stheadline.com/instant/articles/detail/1211212/%E5%8D%B3%E6%99%82-%E9%A6%99%E6%B8%AF-%E5%A3%B9%E5%82%B3%E5%AA%92%E5%89%B5%E8%BE%A6%E4%BA%BA%E9%BB%8E%E6%99%BA%E8%8B%B1%E8%A2%AB%E6%8D%95-%E6%B6%89831%E9%9D%9E%E6%B3%95%E9%9B%86%E7%B5%90%E5%8F%8A2017%E5%B9%B4%E6%81%90%E5%9A%87%E8%A8%98%E8%80%85