有人說：人一黃，喪心病狂！真是金句。這年頭，黃絲仇警上腦，日前有防暴警員出席同袍飯局，傳出首名警員確診新冠肺炎，清息一出，一眾黃絲又恍如打咗雞血，興奮到飛天遁地亂咁郁，網上一片幸災樂禍，有人話要開香檳慶祝，高興過佢老母一百二十歲大壽！有人話最緊要另外三萬警員有事，當真是沒有最黑心，只有更黑心！
人性的醜陋一至於此！人一黃，喪心病狂，其實亦十分反智！疫症當前，本應齊心抗疫才是，黃絲卻廢噏當秘笈，其實新冠肺炎又豈會長眼睛，哪管黃絲藍絲，中招嘅機會都是均等的，警察賴嘢，又值得如此落井下石去無理辱罵詛咒嗎？
早輪一哥同明星足球隊共膳，結果畀人如見到星球怪魔襲地球般大做文章！
呢個世界上，有真理、歪理仲有妖理！世道衰微，妖人特多，妖理自然滿天飛！嘞！公民黨議員郭榮鏗就「妖人妖理」不饒人，指一哥向明星足球隊擦鞋，不宜任處長云云。妖人此語一出，社會各界指出，一哥以私人時間與朋友飯聚冇問題，並以子之矛攻子之盾，批評佢多次到美國與當地政界人士見面，亦曾登門拜訪壹傳媒黎智英，質疑佢係唔係向西方政要及黎擦鞋，直斥佢不適宜做議員。
正如有人話齋，一哥與同袍是用私人時間與藝人朋友飯聚，卻被黃媒、政客、黃屍文人小題大做，惡意抹黑，無限上綱上線，甚麼「高歌盛宴」、連一哥幽默抵死嘅開場白都被刻意扭曲，又是「阿諛奉承」又是不顧疫情嚴峻唔帶口罩、攬頭攬頸會傳染，咁驚死，咪做人咯！事實上，一哥所謂「擦影壇大哥鞋」根本不值一晒！喂，係私人飯局大家互相倜侃、戲謔都十分正常啫！昔日文人互相吹捧亦等閒事，李白、杜甫成日酬唱，杜甫「擦李白鞋」句句應棍：昔年有狂客，號爾謫仙人。筆落驚風雨，詩成泣鬼神。又如：痛飲狂歌空度日，飛揚跋扈為誰雄？唔通杜甫咁又係濫用詩名，「文人行為失當」咩？一哥搞吓氣氛都畀人圍插，睇來人紅是非多，冇計！
講開「人紅是非多」，哈哈哈，G報人氣作家屈穎姸似乎都唔執輸，一眾黃絲文人最鍾意單打佢，對「屈才女」極盡攻擊詆譭，好似嗰位填詞人林夕，竟然好學唔學，又學嗰位馮睎乾人身攻擊跟一哥食飯嘅張智霖，話「至此，你該明白張智霖為什麼不能大紅大紫了。好行小慧，隨風擺柳，難怪王家衛簽了他，一直投閒置散，看來是缺乏靈魂」。文人之酸宿氣，一湧而上，喂！張智霖即使結咗婚，啲女粉絲都真係可以圍香港山頂道幾千個圈，否則為何大型品牌廣告多到呢！單係一個美心月餅廣告收入，睇怕呢位「馮翁」篤字篤到手斷都追唔到個數尾吖！
林夕就話「如果我是政權護法第一賤筆屈才女，會感到委屈，瞎扯到現在，還沒吸引到中宣部榮邀成為駐港大外宣首席網軍，如何一覺睡到天光？」阿哈，屈穎妍或許不至於有「生不用萬戶侯，但願一識屈才女」嘅架勢！之不過，作為人氣作家、媒體紅人，屈才女又確係粉絲無數！筆者係其中一個，讀其文，知其人！屈才女絶不嘩眾取寵！佢善以事論事，為文冇花巧，善以不同的真像或資料，作排列分析，深入淺出，而道理出焉！屈小姐更尊師重道，讀其文，常感其誠。
不誠無物，文章寫到屈才女咁嘅境界，又使乜吸引中宣部榮邀吖！所謂「第一賤筆」，亦「君子寡言而行，以成其信」，亦即一哥話齋：不必多講，只要畀給大拇指，就赴湯蹈火，在所不惜服務市民、維持秩序啦！今屈才女亦然，繼續筆落驚風雨，文成嚇黃絲！筆者每讀一篇，都一定要畀給like「第一賤筆」！哈哈哈！
原圖：HKG報、星島日報、網絡片段截圖
投票已截止，多謝支持
返回
