新任「一哥」鄧炳強上任以來，凡事視力親為，除了一日走幾場為前線警察打氣外，更深知肩任艱巨，一改前一哥「沉默是金」嘅作風，繼佢親身走入反對派為首嘅中西區議會上回應，幫警方澄清，批評假新聞，不容無理抹黑警方但接受善意批評。日前佢又親身赴荃灣區議會接受質詢，期間又受到區議員譚凱邦好似神打上身，又彷彿打了雞血，失控質疑警方引入電槍隨時會電死人云云。
一哥氣定神閒，兩句已令佢啞口：咁警方每引入新槍㭜，是否又要親自試吓吃一槍？
譚凱邦之流，黃毒上腦，根本不知何謂「理性」！嘞！唔通啲演員演死囚要迫真，就要真係死過一次咩？難怪在場旁聽嘅正義市民都聽睇唔過眼，反問黃政棍：咁你唔去試吓啲汽油彈？此剃人頭者人亦剃其頭！身為區議員，料子有限，又冇呢風度，旁聽者一句直刺其要害，其實亦不過以子之矛，攻子之盾而已！佢就頂唔住，發晒爛渣，要該名正義市民離場！小器成咁，真係羞家！
呢！一哥忍辱負重，任你班支持黑暴嘅黃絲區議員無理謾罵同埋人身攻擊，甚麼「pk鄧」，又高呼要一哥下台、解散警隊等，之不過都被一哥一臉正氣，三兩句便被窒到面懞懞、口啞啞。
嗱！先聖就話「自反而縮，雖千萬人吾往矣」，意思係話若然自我反省，覺得有理有據，無愧於良心，咁即使面對千軍萬馬、千萬群眾，自己也要勇往直前。好個一哥一臉正氣，剛柔並濟，豈怕議會妖風大盛，群魔亂舞！
一哥出席荃灣區議會，可謂「一夫當關 ，萬夫莫開」，令人刮目相看。面對黃絲區議員嘅妖魔化，一哥舌戰群丑之餘，都忍唔住潤一潤班友：只識講粗口同大話，確實係幾可憐！
新任一哥為警隊帶來新氣象，筆者想起曾國藩幾句話：帶勇之人，第一要才堪治民，第二要不怕死，第三要不急急名利，第四要耐受辛苦。大抵有忠義血性，則四者相從以俱至。
嗱！一哥新上任，即改警隊新服務口號「忠誠勇毅，心繫香港」，取代原先「服務為本，精益求精」。今一哥形容自己嘅工作係理正氣壯，且做得好，只是有些懼怕佢嘅人希望佢辭職而廢噏！一哥忠誠勇毅，洋溢血性，從他兩次親赴區議會力戰群魔嘅英勇表現，確實脗合新口號嘅承諾，身先士卒，勇得交關，抵讚！
又：筆者誠摰推薦大家留意收睇「幫港出聲與HKG報聯合製作·解構仇警文宣」，由周天慧主持，令一眾仇警妖魔鬼怪無所遁形，十分精彩，不容錯過。
原圖：星島日報
返回
