稱「黃衛兵」嘅「香港中箭」秘書長黃之鋒，向以激進、勇武抗爭禍港，唔係衝擊立法會，就係做「擒獸」，曾經喺七一回歸時屢次佔領金紫荊廣場，爬上頂又圍之以黑布，總之以搞破壞來吸睛，刷存在感出風頭。外媒曾吹捧呢位面冇四両肉嘅黃衛兵有一付所謂「抗爭的面孔」，佢都幾受落，當正自己係「革命家」！
可惜啊！搞革命即使唔拋頭顱灑熱血，點都唔可以太貪生怕死啩？呢條友一次學人絕食，點知又畀人踢爆偷飲葡萄糖水；二〇一六年去泰國「進行交流」被扣留，嚇到佢鼻哥窿冇肉，驚返唔到香港就大大鑊！美國佬捧佢有張「抗爭面孔」，都唔知攞景定係贈興？
呢條友根本就係冇膽嘅過街老鼠，喺香港就也文也武！至叻跑去美國唱衰香港，促使美國國會盡快通過「香港人權與民主法案」，以便制裁中港，佢仲勤力過大漢奸黎智英，又跑去德國、澳洲、台灣等尋求支持。呢個嫩漢奸已經繼承咗漢奸呢個行業，且如禿頭和尚頭上的蚤子——明擺着！做漢奸直頭上晒癮！
呢條嫩漢奸為咗參選區議會選舉，就話自己唔主張港獨，而「民主自決」同擁護《基本法》及支持香港特區聲明無牴觸云云！嗱！筆者草此文時，知道朱凱廸區選都入到閘而嫩漢奸黃之鋒尚未被確認。佢係面書就話佢參選絕非為了「博DQ」，否則毋須三年前開始投入地區工作。佢又厚顏話「當然以當選為最大目標，好讓能以區議員身份服務居民」云云。
過去，嫩漢奸提倡「民族自決」，又一直飛到台灣、美國等地唱衰香港，加上其暴力衝擊立法會等劣行，竟然又有中學教材將佢列入「中華傳統美德格言及名人系列」，一個公認的「港獨分子」，一味激進的「違法達義」信徒，同「中華傳統美德」根本沒有半毛錢關係！
一個衰世，使人見到乜嘢叫做「裝假狗，瘀到嘔」！一個亂世，又係反智到你唔信！
你信呢條友會有「中華傳統美德」？會「服務社群」？會「守護香港」？
呢，明朝傑出人物張居政做咗宰相十年，改革成功，史家讚其「循名責實，起衰振敝」，而用人治河，令「太倉積粟，可支用十年」，總之有功於國家人民也。不過，佢死後被抄家，只因「雖能治國，不能服人」！
今天，我哋回頭睇吓嫩漢奸為香港做咗乜嘢？佢至叻反國教，揚港獨，暴力衝擊社會破壞秩序、貪生怕死⋯⋯一個咁嘅「人」，若被DQ冇得入閘乃事出有因！佢能服務社群守護香港？
講真，佢唔搞亂香港都當幫忙喇！佢有邊瓣可以服人？
各位街坊，唔該帶眼識人！香港已經不起再空轉同折騰！救香港，要踢走搞事份子！
原圖︰大公報
http://www.takungpao.com.hk/hongkong/text/2017/0403/71526.html
投票已截止，多謝支持
返回
