大家都睇到，百多日嘅反修例風暴，執法者淪為磨心，尤其前線嘅防暴警察和速龍小隊，他們面對無法無天嘅黑衣曱甴，英勇守護香港！可恨的是那些別有用心嘅政客、訟棍同埋反中亂港嘅黃媒如毒果報，永遠偏幫一邊只特寫警方「濫用暴力」，故意重複使用「黑警」、「警犬」等字眼污辱警察，洗腦式貶低警方形象！

反對派對黑衣暴徒圍毆警察、企圖搶警槍視而不見，甚至加以美化暴徒擲燃燒彈嘅劣行為「火魔法師」，阿哥，如此喪心病狂，試問仲有人性嗎？唔怪得之有心水清嘅市民都忍唔住質問：難道要警察被火燒瓜先叫好警察咩？

警察受到誣陷不好受

呢！早輪重返警隊嘅警務處副處長（特別職務）劉業成，就發信撐同袍，劉Sir感慨在如此動亂嘅日子，香港仍能頂住，全賴三萬多名警察，又指香港警察被抹黑為「黑警」係世界上最大嘅陰謀同埋謊言，直指「我們被陷害」！劉Sir所言，筆者有同感焉！相信稍有良知嘅市民，亦會為警察在這段日子受到的誣陷感到不好受。

日前，「藍血大狀」梁家傑仲喺「大紀元時報（香港）」大放厥詞，呢條訟棍就話，為恐嚇港人十一勿上街，警察甚至會冒充示威者擲汽油彈，然後嫁禍給示威者！嘩！咁無恥嘅話都噏得出！其論調惟恐香港唔夠亂，同外媒一樣咁煽情，指「警察企圖殺人嫁禍給示威者」！再咁傳吓傳吓，香港警察真係跳落維多利亞港都洗唔清吖！

只成敗類 不會成烈士

梁家傑呢條訟棍，早前就話「暴力或能解決問題」，之但係當乳鴿鄺俊宇在天水圍遇襲，畀人「拳打腳踢」送院治理，一班反對派就立刻撲出來，叫警方要嚴正執法要立刻緝兇，阿哥，呢啲嘛就係「有事警察，冇事黑警」嘅最佳寫照囉！最好笑嘅係，這不是訟棍所說的「暴力或能解決問題」，家陣都到眼前來，有甚麼好大驚小怪？這不是求仁得仁嗎？你們不是叫囂要解散警隊嗎？依家又要警方全力緝兇，天下事，竟有如此好笑者？

把喪心病狂嘅縱火者，美化成「火魔法師」，玩火者必自焚，睇吓幾時燒着自己條尾，睇吓「火魔法師」是否把自己變成「火浴鳯凰」還是燒焦嘅烏鴉！

筆者奉勸啲「火魔法師」，切勿畀啲邪道妖人誤導到癲癲地，唔知死！不知天高地厚，做事不經大腦，衝動妄為不顧後果，真做了所謂「死士」，只會成為敗類，不會成為烈士！

原圖：港台新聞截圖