身為公務員，就應該保持政治中立！澳洲有位公僕因在網上匿名出post反政府，後被政府以違反公務員守則為由革職，現時高院話抵炒，更強調公務員必須政治中立。
現年74歲嘅班納吉（Michaela Banerji），於2012年喺Twitter發表批評當時工黨政府處理非法入境者嘅政策，雖然班納吉只係喺公餘時間、化名喺Twitter發文，但2013年被當局以違反公務員守則為由解僱。事後班納吉不服上訴，更稱被炒後罹患創傷後壓力症候群云云，再上訴至高等法院索償。
但高等法院法官近日一致否定班納吉觀點，指澳洲公務員守則要求公務員必須採取合理措施，避免同工作出現利益衝突，要求公務員保持政治中立，而守則更列明公務員喺網上匿名發表言論，理應假設其身分或其工作資料會被公開，故一致裁定政府勝訴。
呢啲就係國際標準啦！早前，香港有班公務員月月袋政府錢，但勁無恥咁反政府，視政治中立如無物！兩者一對比，大家認為反政府嘅公務員應該...
原圖： now新聞截圖、無綫新聞截圖
投票已截止，多謝支持
返回
