民主黨林卓廷日前同成班黑衣口罩黨，與元朗居民爆發衝突（請按此重溫），卒之負傷而逃有如喪家之犬，佢昨晚好威水咁向記者展示「戰痕」，仲嬲嬲豬咁賴警方冇及時到場保護佢，揚言要追究警方法律責任，大家點睇？
林卓廷昨晚開記招，林卓廷憶述當晚情況，話自己曾逾20次呼籲對方停手，不過就提都冇提過自己點樣挑釁對方，佢除咗質疑警方行動緩慢之外，仲話警方係蓄意縱容元朗居民打人，或涉嫌公職人員行為失當云云，表明會聯同其他受傷嘅人，追究警方。
林卓廷又話，自己嘴唇被打穿，縫咗足足18針，右手指骨更有輕微骨裂，真係陰公豬，希望佢早日康復啦！除咗肉體上嘅傷害，林卓廷似乎連心理上都出咗問題，話自己依家搭港鐵時唔敢成日掛住睇手機，甚至唔敢企咁近月台，怕有人會推佢落去喎。
話分兩頭，用暴力就點都唔啱，小編都非常抵制，但唔知林卓廷又會唔會以同一標準，譴責上環暴力呢？
原圖：民主黨Facebook
https://www.facebook.com/thedphk/
投票已截止，多謝支持
返回
