香港近排妖霧瀰漫，妖魔鬼怪特別多。自反修例風暴後，警方都站在風口浪尖！一周內兩次包圍警總、七一慶回歸，一班蒙面暴徒大肆破壞立法會，事後警察又忙於搜證拘捕滋事份子和暴徒，接着又有「反大媽」、「光復屯門公園」大遊行，入夜則變成包圍屯門警署，接着意猶未盡，又殺入尖沙咀、廣東道名店及高鐵店「招呼」內地遊客⋯⋯

跟住，反對派又話要搞到十八區日日有遊行、區區有示威！總之，恍如潮水式嘅「光復運動」，就係要搞到香港雞犬不寧！警察更疲於應付和招架！

呢，網傳班友仲話要係農曆七月十四日「光覆和合石」及各大墳墓！集合地點：和合石辦事處；時間為半夜十二點；訴求係剷晒所有墓地！收回墓地建免費公屋畀大學生住喎！阿哥，家陣乜嘢世界啊？狂妄成咁，連死人都唔放過？搞到如神枱貓屎，神憎鬼厭。如此狂徒，睇怕要等天譴及天收了！

有事警察 冇事黑警

政府有效施政「壽終正寢」，也就難怪一大班狂徒暴民得寸進尺，在爛果報的鼓吹煽動下，甚至在大狀黨的偽善下，如訟棍楊岳橋的美化暴力，以口放屁，說甚麼應「暫緩對示威者的搜捕行動」，按其廢噏，即係犯法不必追究，暴徒可以特赦，咁法律仲有乜嘢用呢請問？司法又何以「獨立」？法治已死，咁你班訟棍等食西北風喇！

亂世多妖孽，真係一啲都冇錯！警察呢排成磨心，「有事就警察，冇事就黑警」，也就難怪男子漢的警察，也有負面情緒，感慨：呻兩句真話都唔得，點解呢個時候仲要騙自己話非常有正能量？

生累朋友 死累街坊

大家都睇到，反中亂港永遠站在第一線的漢奸黎，旗下的爛果報一味抹黑、妖魔化警察，暴徒明明衝擊警方防線，甚至擲磚拋鐵枝、怒堆水馬橫飛雨傘防礙警方適當執法，而爛果報反指「警察瘋了」！指鹿為馬，無過此者！

實情香港警察之克制，相對於法國警方對付「黃背心示威」、美國警察對付手無寸鐵之黑人那種兇殘，香港的警察，不知幾咁斯文！當然，沙塵滾滾，加上一些自以為有光環的立法會議員如鄺俊宇、譚文豪、區諾軒等出來指手劃腳，外行領導內行，教阿Sir如何如何，其實係嚴重「阻差辦公」！呢啲咁嘅垃圾議員，正一「生累朋友，死累街坊」！

香港回歸後議會空轉，民生凋敝，多得漢奸黎搞局，飛到美國華府唱衰香港！而一班納稅人供養的「尊貴議員」，不是為民立法，而係自己在立法會經常叫囂搶咪搶手機等，香港經濟近年死翹翹，佢哋難辭其咎！

原圖︰區諾軒 Au Nok-hin Facebook、譚文豪 Jeremy Tam Facebook、大公報、無綫新聞截圖

http://www.takungpao.com.hk/hongkong/text/2016/0906/22154.html

https://www.facebook.com/nokhinau/photos/a.598451040245294/2255261804564201/?type=3&theater

https://www.facebook.com/jeremytammanho/photos/a.959449160784233/1916587905070349/?type=3&theater