被港台稱為「鄭屎」嘅泛民議員鄭松泰於7月1日暴民入侵立法會時，被無綫新聞台拍下疑似同暴民一齊行動的片段。雖然有片有真相，但事後鄭屎仍死撐，仲指TVB做佢（請按此重溫）。香港中小型律師行協會創會會長陳曼琪表示不評論個別議員行為，但她指出，明知別人犯法而為其「指點迷津」，可能會墮入法網。

由TVB新聞影片可見，鄭屎在片中指指點點，提醒在場人士「二樓有『狗』」（有警察的藐稱），仲大聲叫人「你哋自己小心」，引發社會上不少質疑，被不少人認為是與暴徒一齊行動。

提暴徒「有『狗』」、「自己小心」

對此，陳曼琪向《東網》表示不評論個別議員行為。但她清楚解釋相關法律的定罪要求，指出若然有人明知道別人不合法進入、並知道對方進行破壞，但依然為其「指點迷津」、「指條路畀佢」或「叫佢唔好行呢度，因為有警察」，有可能被視為有意圖幫助對方。

陳曼琪又表示，假如其意圖是協助或者鼓勵別人作非法行為，「隨時準備幫佢哋手」，則有機會涉嫌協助、教唆犯罪。與此同時，陳曼琪指出，若然有人與別人達成協議，「而某犯罪按其意圖得以落實，亦或牽涉串謀犯罪」。

鄭松泰係咪金翅大鑊鳥？我哋放長雙眼買定花生等睇好戲！

原圖：大公報、無綫新聞截圖