又一搞事友入境香港被拒，入境處做得好！曾公開侮辱我國國家主席習近平嘅菲律賓前外長羅薩里奧（Albert del Rosario），上周五（21日）想入境香港時被拒，並一度被扣留。

入境處未有透露拒絕原因

入唔到香港境，羅薩里奧嬲豬搵美媒哭訴。佢向美聯社透露，自己當日原本打算到香港參加一個商業會議，但喺機場被入境處職員拒絕入境，其後被帶走並扣留超過兩小時。入境處未有透露拒絕原因，事後羅薩里奧仲好威豬咁同傳媒講，自己手持外交護照有特權大晒，根據《維也納公約》，港府無權扣留云云。

就南海撞船意外表陰謀論

據悉，羅薩里奧係菲律賓激進反華份子，多次公開批評中國，更曾侮辱習近平犯反人道罪行。近日有中菲漁船喺南海地區相撞，就算兩國皆已表明只係意外，但羅薩里奧喺來港前一日（20日），卻指事件背後另有陰謀，仲話唔能夠相信中國。

呢啲咁嘅反華友，畀佢入境肯定搞風搞雨，依家香港正值多事之秋，入境處把關做得好！向搞事份子Say No，抵讚！

原圖：ANC Facebook影片截圖

https://www.facebook.com/ANCalerts/videos/898705683795550/