儘管特首林鄭月娥公開就修訂逃犯條例的風波真誠致歉，但可能只係換嚟更大嘅攻擊。一班自稱「勇武」的激進反對派驚死香港唔亂，企圖喺明日（21日）清晨再發動大規模、多目標嘅暴力衝擊，更計劃三路衝政府重地，而「6.21行動」或恐怖過金鐘衝擊。

據《文匯報》報道，勇武派在網上極力催谷「6.21行動」，佢哋除了將於當日計劃佔領金鐘夏慤道、龍和道外，仲打算兵分三路，包括會衝擊立法會大樓、特首辦同禮賓府。此外，網上亦有人叫囂，聲稱「6.21行動」將會比之前嘅「6.12」規模更大。網上亦有人揚言會發起「全面不合作行動」，研究多項「戰術」 ，包括「癱瘓」港鐵、鐵機場等重要公共交通設施。

港獨派加入「6.21」行動

物資方面，據報有人購入大量「抗爭物資」，其中網上有班「戰術組」同「裝備組」更表示會製作盾牌、防毒面罩，甚至油漆彈等武器，諗住喺「6.21行動」中運到金鐘支援暴力行動。更有黃友企圖鼓動前線人員應改用雞蛋、波子等暗器攻擊警員，總之班激進份子想有咁大搞咁大。

港獨派都打算參與「6.21」行動。同「香港獨立聯盟」及「學生動源」關係密切嘅獨友楊逸朗表示當日會到金鐘參與抗爭。縮沙多日嘅陳浩天亦打算參與，表示將會收集示威者的「口號」，將會於月底到日本大阪，聯同海外反華勢力在G20峰會會場外示威。

激進黃友唯恐天下不亂，一再搞事，今次仲揚言搞鋪大嘅，似乎唔怕自己會搞死香港。形勢嚴峻，支持警方全力依法執法，千萬咪放過搞事友！你撐警察放手一搏？

原圖：香港電台新聞截圖、無綫新聞截圖