坊間近排出現咗唔少以校園名義發起的反修訂《逃犯條例》聯署，當中水分究竟有幾多？多位名人踢爆，自己在毫不知情下，個名無啦啦出現喺聯署之中，十足鬼故一樣。受害者包括著名專欄作家屈穎妍（請按此重溫）、醫師陳仲謀（請按此重溫），連立法會議員張國鈞都慘成「受害人」。

張國鈞昨向記者表示，從師弟處得告，有人以其母校東華三院邱子田紀念中學名義發起所謂「舊生、學生及教職員反對修訂《逃犯條例》的『聯署』聲明」，出現咗一個同佢同名同姓同職業嘅畢業生姓名，不過畢業年份則寫1988年。張國鈞強調自己從未參與上述聯署，並澄清其畢業年份為1991年，而且同屆係冇同姓名同職業嘅畢業生。

民建聯副秘書長顏汶羽亦中招

張國鈞狠批有人企圖混淆視聽，以製造聲勢推動大遊行，張強烈譴責此等盜用其名義加入「聯署」嘅行為係唔文明嘅做法。另外，民建聯副秘書長顏汶羽都發現，自己個名突然出現喺新生命教育協會呂郭碧鳳中學學生、校友及教職員嘅「聯署」聲明中嘅「校友」一欄。

我們不能被代表！呢種「被聯署」嘅惡行極度無恥，必須杜絕！大家打醒十二分精神，一見自己個名「被綁架」、「被聯署」，記得立即澄清！

原圖：張國鈞Facebook

https://www.facebook.com/horace.ckk/photos/a.1001496989866829/2875568502459659/?type=3&theater

https://www.facebook.com/horace.ckk/photos/p.2412622015420979/2412622015420979/?type=1&theater