美國總統特朗普「侵侵」呢個花名真係冇改錯，一日到黑都係諗住侵略，但有時都要睇吓對手係邊個先。今次侵侵嘅侵略對象係中國，佢竟然一錯到底，美國人民利益做賭注，打「七傷拳」封殺華為。搞到連好少插人嘅前世界首富蓋茨創辦嘅軟都要警告佢，直言封殺華為，最終受損嘅，只會是美國！呢啲就係有智慧嘅見地喇！

自美國商務部於本月宣布禁制華為之後，多家美企被迫屈服，暫停於華為供貨。但唔係個個都甘心任侵侵亂舞，其中微軟致函美商務部警告，封殺華為將令美方在國際研究合作中被孤立，最終影響美國利益。

其他美科技企巨頭亦反對

除微軟外，通用電氣、Google母公司Alphabet等科技公司亦指出，美國對華為的禁令會妨礙它們在中國市場競爭，因華為作為最大的4G網絡供應商，對中國的5G網絡亦有強大影響力，對欲打進中國市場的美國科技公司極為不利。此外，《彭博》亦引述分析指，倘中國決定以全面禁制蘋果產品作貿戰反擊，蘋果公司在中國的業務將岌岌可危，高盛估計，蘋果公司分分鐘損失高達三分之一的盈利。

所以話，有侵侵做總統，美國嘅處境就等於盲人騎瞎馬，夜半臨深池。美國人選出一個笨總統，隨時累死美國賴以自豪嘅科技行業，大家係話陰公豬先？

原圖：Bill Gates Facebook、Donald Trump Facebook

https://www.facebook.com/BillGates/photos/a.10154930899511961/10154930899536961/?type=3&theater

https://www.facebook.com/DonaldTrump/photos/a.488852220724/10162294630020725/?type=3&theater