涂謹申扮垃圾，開足兩次會四個鐘，都選唔出修訂《逃犯條例》法案委員會正副主席，終被DQ主持資格（請按此重溫）！涂謹申同泛民政棍卻小學雞上身，懶理新任主持石禮謙改期周六開會嘅決定，自己有自己「如常開會」，喺會議廳唱一檯唔知畀邊個睇嘅獨腳戲，真係醜到痹！
雖然4點半先「開會」，但成班泛民一早就喺會議廳部署，至正式「開會」時，會議廳現場所見，得泛民十幾丁友「開會」，不過由於呢個「會議」冇秘書處人員出席，更加冇法律顧問在場，一班友仔「開會」連咪都冇得用，要自己帶擴音器。
建制派則表示，唔會當呢場爛騷係正式會議，只會當係集會，又認為泛民舉動係「浪費時間」。
涂謹申幾廿歲人都唔化，畀人DQ都仲賴死霸住個主持位，奇就奇在其他泛民政棍又要陪佢癲，大家話呢場大龍鳳係做畀邊個睇？
原圖：Now新聞截圖、無綫新聞截圖
投票已截止，多謝支持
返回
