中國當代學者、著有《無夢樓隨筆》的張中曉有名言曰：「在黑暗之中，要使自己有利於黑暗，惟一的辦法是使自己發光。」筆者忽然閃起這名言，仍有感於「忽然民主」、人稱「民主阿婆」的前政務司司長陳方安生！這位「港英舊電池」退下來被英媒吹捧為「香港良心」，唔經唔覺呢位「民主阿婆」已七十九歲，為了令舊電池仍可發揮一點微弱的光，知道她的一顆「香港良心」仍有血液循環，多年以來，必抓緊機遇，跑去英美等國吠幾聲，叫英美的主子多關注香港的「人權自由」狀況！民主阿婆的「香港良心」究竟值幾錢一斤，吾人暫且按下不表。
今趟「民主阿婆」夥伴反對派兩位議員郭榮鏗及莫乃光，原定訪美期間只會見到國家安全委員會等組織，誰知民主阿婆最終卻獲得美國副總統彭斯接見，呢個臨時安排叫民主阿婆喜出望外，恍如打了雞血一樣，對住彭斯笑到見牙唔見眼，假假地都係白宮二號人物，佢對中國政策又特別強硬，去年還公開演講「要全面圍堵中國」，此外，在打擊華為的5G產品上也殺氣沖天，嘩！家陣有幸得見呢位反中鷹派硬漢，「民主阿婆」呢粒港英時代的舊電池，霎那間有了突如其來的鉚勁！
有論者甚至覺得她「眼波流轉，像突然回春似的」，有冇咁誇張啊？唔通接近權力真係如此使人亢奮？前美國國務卿基辛格就話「權力是強烈的催情劑」，唔通真係實踐檢驗出來的真理？筆者這種蟻民，從未有過機會接觸權力，只知「斬大舊叉燒再來一大杯竹葉青」，已經令人爽爆！都真係唔明接近權力會有咁多生理及心理嘅變化！
不過，筆者就係魯鈍，民主阿婆既然被吹捧為「香港良心」，點解又經常飛去英美唱衰香港，成日乞求英美關注「香港人權」，甚至干涉香港內政，借外國勢力向「阿爺」施壓，又指香港的民主在「一國兩制」下正逐步被收窄蠶食！香港有唔畀佢出境、移民英國或美國嗎？
其實，民主阿婆二〇〇〇年退休後一筆過攞咗一千二百萬退休金，家陣每月仍咬緊特區政府逾七萬元「長糧」，香港其實對佢不薄，如果香港咁冇民主，佢家陣仲可以咁風騷發揮舊電池的微光？「一國兩制」如果只見「一國」沒有「兩制」，梁天琦等涉旺角暴動可以甩罪？香港幾好都有，難怪反對派一路駡一路反中亂港都係唔捨得走！
有個作家說他羨慕那些生下來就清楚自己該幹什麼的人。這些人生下來或者具有單純的特質。如果身手矯健、心止似水，可以去做刺客或保鏢；如果面目姣好、奶大無邊，可以去做𡃁模或土豪的二奶。或者帶着質樸的目的，比如詹天佑生來就是為了修一段鐵路；比如孫中山生下來就是為了搞一場革命；毛澤東就是為了讓中國人民站起來！
筆者奇怪，為何民主阿婆咬着退休後的豐厚長糧和許多好處，望八之年仍飛來飛去，不辭勞苦要唱衰育她養她的香港，堂堂正正的中國人不做要做洋奴漢奸，這種人生下來不就是兩頭蛇？天生愛自找不痛快，試問又如何會被吹捧成「香港良心」？
原圖：無綫新聞截圖、Dennis Kwok 郭榮鏗 Facebook
https://www.facebook.com/cpdenniskwok/photos/a.1769511839743344/2679907155370470/?type=3&theater
投票已截止，多謝支持
返回
