美國總統特朗普可能都自知做得衰嘢多，所以不惜踐踏民主二字，都要走去干預新聞自由。據《華爾街日報》引消息指，美國為削弱中國影響力，下令新華社和中國環球電視網(CGTN)兩間中國媒體的在美分支註冊為「外國代理人」，如拒絕則將其凍結公司賬戶及逮捕負責人，實在太離譜！

一舉一動受美監控

根據美國《外國代理人登記法》，註冊成為「外國代理人」的媒體需要每六個月向美國提供活動資料及記錄，當中甚至涉及大量的記者個人私隱！換言之，在美記者的一舉一動，都會備受美國當局監視，咁仲講咩新聞自由、言論自由？

去年註冊「外國代理人」的今日俄羅斯電視台表示曾反對美方要求，在別無選擇下只能屈服，但表明會向法院提起訴訟；新華社華盛頓分部、CGTN以及中國大使館暫未就事件作出回應。

枉美國仲話自己係民主大國，完全無視新聞自由嘅舉動都做得出？睇嚟侵侵嘅民主都係得把口，為咗利益就隨時可以出賣！

原圖：Donald Trump Twitter https://twitter.com/realdonaldtrump