最鍾意濫用司法程序的「長洲覆核王」郭卓堅,果然唔尊重法律㗎﹗事緣《大公報》早前踢爆郭卓堅位於長洲的寓所搭建僭建物逾十年,長期霸佔公眾通道,一邊僭出逾百平方尺的空間,實在自私到加零一。雖然當局早於六年半前已發出清拆令,但覆核王一於好少理,拖到依家都未拆,代價只係被法庭係咁依判罰六千幾蚊。嘩啋!真係抵到爛!
當局不執法 街坊冇癮
無恥的是,郭卓堅擺明唔理就唔理。《大公報》引述街坊,指郭卓堅肆意佔用通道,其僭建物「已是長洲公開的秘密」。多年來,街坊透過不同渠道投訴,屋宇署發出清拆令,但郭完全無視,當局又長時間不跟進,令居民心灰意冷,「我哋投訴得多都覺得自己煩啦。」狠批郭「擺明知法犯法」。
話時話反對派咁鍾意狙擊人僭建乜乜物物,唔知今次會唔會當睇唔到郭卓堅僭建呢?
原圖:大公報
http://news.takungpao.com/paper/q/2018/0430/3565137.html
投票已截止,多謝支持