黃媒最鍾意造神,先有佔中班細路黃之鋒、周庭之流,現有九巴罷駛車長葉蔚琳。擺明立場深黃的《立場新聞》昨日發了一篇洋洋灑灑6千字的葉蔚琳造神文,由夫婦之間互相吹捧,到車長之間圍爐取暖,甚麼狗屎垃圾都記下,似乎不知剪裁為何物。最搞笑的是連葉蔚琳獨裁的行為,沾沾自喜說自己是「生招牌」的言行都一一紀錄。唔知立場其實係唔係暗中想倒米呢?
大眾一直要求九巴解僱罷駛的車長,以保障乘客安全。對此葉蔚琳在訪問中極為囂張,直指自己是「生招牌」,請到自己的公司是「良心企業」,「我使咩怕什麼沒人請我?」,因此毫不擔心失去生計。她又指自己「可以做返戲」,如此一句,叫人想起「戲子無義」四字。她自己就紅了,自然有黃友支持生計,不過其他陪佢癲嘅車長呢?佢竟然無半句關心。
她又提及罷工車長快將成立工會,成立工會為咩?原來又係為自己,葉蔚琳講明因為自己隨時被炒,所以搵定後路畀自己。「點解我要開工會?我隨時會比人炒,我現在是鋪定條路,即使不是九巴員工,我也可做主席、也可做理事的。」
葉蔚琳又失驚無神自爆「獨裁、霸權」,話罷駛當晚本身車長們想討論下一步,點知她一句「現在打緊仗、講緊罷工,不是返去計劃下先...不要跟我說聽日,我跟你講嘅係依家!」,竟然想迫大家去禮賓府施壓。呢個細節不禁令人懷疑,究竟是次罷工有幾多係車長們的共同意志,有幾多係葉婦人的一己想法?
原圖:文匯報、立場新聞網頁截圖
http://paper.wenweipo.com/2018/03/07/HK1803070026.htm