甚麼是口是心非?香港眾志秘書長黃之鋒做了最佳示範。立法會議員何君堯在電台節目上話,建議行政會議進行改組,無分彼此,加入泛民人士。「河童」黃之鋒就話,要取決於是否發揮到作用,又說留意到候任行政長官林鄭月娥並無約見羅冠聰及劉小麗等議員,質疑對方是否有雙重標準喎。
當然是有標準,那就是河童的雙重標準。河童似乎忘記了羅冠聰同劉小麗有DQ官司在身,算唔算係真議員都未知?此其一。羅冠聰、劉小麗話明唔會支持林鄭月娥,仲要有理冇理都鬧咗先,早就閂咗對話大門,此其二。
口說不想見 心想人邀請扮大牌?
最近新鮮熱辣是星期四,黃媒《蘋果日報》才報道,「羅冠聰指今次拘捕證明了候任特首林鄭月娥所說的『修補撕裂』是難以做到,『未來冇咩條件係去坐低傾』。他認為林鄭並無能力改變北京對港策略,類似打壓只會持續」。明明自己隊友都話「未來冇咩條件係去坐低傾」,河童就捩橫折曲,話林鄭無約見他們主席羅冠聰,事實上羅冠聰講明話同林鄭冇嘢好講,究竟是香港眾志兩位頭目冇溝通各自為政,還是有人口說不想見、心就想人邀請扮大牌,當正自己是政壇巨星?
泛民不單止各自為政,以個人政治利益為依歸,加之泛民動輒大聲疾呼「政治打壓」、「白色恐怖」,最後來個「遊行示威」的三度板斧底牌已盡見,只懂為反而反,早已令天下人討厭!
圖:大公報
http://news.takungpao.com.hk/paper/q/2016/0816/3357587.html
投票已截止,多謝支持