公民黨一片愁雲慘霧!公民黨將於後日(18日)搞集思會,傾吓之後去留。黨內領導層任期將於年底屆滿,主席梁家傑表明唔連任,又呻民主派政黨無冇埞企,言談之間,灰味極濃!
舊年開始,公民黨唔少人跳船,加上依家黨內完全冇區議員,已是人「財」凋零,目前黨內執委會成員只餘下包括梁家傑在內的6人。梁家傑話後日的集思會係為咗畀黨友坐低傾傾,相信應該包括有關解散或轉型的問題,但佢強調當日唔會做任何表決。此外,多名公民黨元老或將出席集思會,包括創黨主席關信基、余若薇及吳靄儀等。
梁家傑由2016年起做主席,佢話自己唔會連任;但未知有邊個肯接棒主席及做執委,仲喺集思會上詢問黨友意向。梁家傑同時趁機又大呻特呻,話政治環境令民主派政黨無立足之地,政黨空間係越來越窄,前路難行喎!
既然公民黨都名存實亡,不如早摺早著好過啦!
原圖:星島日報、梁家傑facebook
https://std.stheadline.com/daily/article/2350141
https://www.facebook.com/photo/?fbid=350866506393830&set=a.350866483060499
投票已截止,多謝支持