黃友反政府反到上晒腦，幻想香港冇晒佢哋要嘅嗰種自由，就一窩蜂咁移民，要去啲所謂「自由國度」過新生活。移民本來好平常，但係當一個人冇能力又要走的話，就係另一回事。

話說有連登仔出post，表示自己上年畀公司炒魷，心情好差，信咗連登仔話有5萬蚊拖個喼就可以過英國生活，於是就毅然上路。點知去到完全唔係想像中咁樣，處處都碰壁，想租地方住 但冇信用要即時畀足一年租；疫情下所有行政過程被拖到天荒地老；冇地址證明搵唔到工；食飯貴、貴、貴，出街要成百蚊一餐；天氣潮濕，啲衫晾唔乾搞到冇衫著。

結果呢個高登仔山窮水盡，要用父母錢租多個星期嘅Airbnb，睇吓情況有冇改善，再搞唔掂就要返香港。佢仲話，覺得街邊啲乞衣比自己更似一個市民。自己唔用腦，搞到一鑊泡，已經唔抵可憐！最搞笑嘅係，原來呢位連登仔幾個月前曾出post恥笑人移民英國，仲話「根本英國呢個垃圾地方就唔係人住」，而家自摑嘴巴去英國，中伏都係自己攞嚟！仲要係double自己攞嚟！

連登仔能人所不能，5萬蚊可能真係夠食過世，去咗就唔好返嚟喇！

原圖、無綫新聞截圖、連登討論區截圖