亂港黃媒《立場》、《眾》相繼摺埋,對於有良知嘅香港人嚟講,係大快人心嘅好事,但對黃獨友嚟講,可能就係噩耗。著草政棍羅冠聰近日喺社交平台撰文,「深情」哀悼黃媒執笠,仲抹黑香港係「荒謬時代」,點知被CY鬧爆。
事緣羅冠聰4日發表咗一篇名為《在荒謬的時代,如何面對無力和恐懼》嘅文章,水蛇春咁長,例如抱怨《立場》、《眾》執笠,香港冇新聞自由啦;自己無能為力改變現實啦;最後仲勉勵手Joke要用「愛」救贖自己。講到好似好偉大,其實都係陳腔濫調。
羅冠聰落力賣慘,前特首梁振英都睇唔過眼,於是喺社交平台發文鬧爆,CY一針見血指出,荒謬嘅其實係羅冠聰自己!「荒謬」是他否定香港是中國的一部份,否定基本法規定普選行政長官之前必須由提名委員會提名,「荒謬」是他拒絕告訴香港人其金錢來源和國籍。
CY仲預言,「西方人萬分現實,羅冠聰身上是有價錢牌的,是可以隨時出售賣的。」
CY講得好!建議羅冠聰如果想證明自己唔係「荒謬」,應該返香港同手Joke「齊上齊落」,而唔係叫人衝,自己鬆,做「鍵盤俠」談「荒謬」。
原圖:星島日報、羅冠聰Facebook圖片
https://www.facebook.com/NathanLawKC/photos/2705019512982698
https://std.stheadline.com/realtime/article/642660
投票已截止,多謝支持