自港區國安法出台後，唔少黃獨團體、媒體「自我DQ」，但現時仍有黃獨團體、媒體「一息尚存」緊，政府係時間出手，而法輪功就係目標之一！日前警方國安處搗破組織「光城者」喺尖沙咀一賓館內設置嘅炸彈實驗室，警方亦檢獲法輪功背景嘅煽暴刊物，法輪功嘅所作所為，再次引起大眾關注！多名議員於前日（7日）嘅在立會上要求政府取締法輪功，更稱要全面調查及凍結該組織嘅資金鏈及資金來源，對此，保安局局長鄧炳強強調，「政府必會依法處理，若有足夠證據，會按權力凍結資金。」

法輪功再被質疑煽暴兼抹黑港府及中國，民建聯立法會議員葛珮帆指，過去一直接獲市民投訴法輪功街站阻街，更有人投訴法輪功展品污衊中共、抹黑中國政府，質疑法輪功「掛羊頭賣狗肉」，稱法輪功係顛覆國家政權嘅組織。

調查法輪功「刺警案」角色

鄧炳強回應質詢時表示，由2013年至去年5月，當局進行逾3500次嘅聯合特別行動，要求法輪功攤檔移除未經準許而在政府土地展示嘅宣傳品，鄧炳強強調政府必會依法處理，又指會調查法輪功或其他組織喺「刺警案」中嘅角色。

支持當局依法處理黃獨團體、媒體！

原圖：港台新聞圖片，文匯報


https://news.rthk.hk/rthk/ch/component/k2/1563860-20201206.htm

https://www.wenweipo.com/a/202107/08/AP60e6405fe4b08d3407cc1842.html