本來一路以為,黃藍可能只係政見嘅唔同,大家都係生活喺文明世界裡面,應該有起碼嘅道德底線。
但係7月1號嘅恐怖襲擊警員案件,畀我哋睇到黃友嘅真面目,只要係政見唔同,就可以用任何手段除之而後快。
恐怖分子變咗黃友嘅英雄,因為佢哋憎恨警察,但係唔敢郁手,恐怖分子完成咗佢哋嘅心願,所以佢哋拖家帶口,帶埋細路去路祭呢位恐怖分子。
當社會各界相繼發表聲明,嚴厲譴責恐怖主義、嚴厲譴責悼念恐怖主義行為嘅時候,港大法律學院公法講座教授陳文敏卻認為,悼念可以出於同情,可能係表達對政府不滿,同宣揚恐怖主義差距很大咁話。
有啲咁樣嘅法律教授,難怪今時今日黃友會變成咁。
我覺得黃友冇錯,錯嘅係呢個時代,錯嘅係呢個文明社會,錯嘅係文明社會對一切恐怖主義行為零容忍。
2015年在法國南部城市圖盧茲,一名男子在地鐵裡宣揚恐怖主義,被判刑10個月。
2017年17歲美國少年喺Twitter支持ISIS,被判刑11年。
2019年新加坡一名前電腦工程師因為匯錢畀網上認識嘅伊斯蘭激進主義者,被判刑2年半。
類似例子多不勝數,全世界都係對恐怖分子、恐怖主義零容忍。
唯獨黃友,有自己嘅邏輯、有自己嘅道德標準、有自己嘅教育細路方式,你哋冇錯,錯嘅係呢個文明世界!
原圖:香港商報
https://www.hkcd.com/content/2020-05/07/content_1191441.html
投票已截止,多謝支持