又係手joke「伸出援手」嘅時候了!支援反修例風波被捕者嘅「612人道支援基金」昨日(16日)於社交平台表示,四月批出1,572萬元,目前直接支援咗22,621人。
基金自2019年6月成立起,共收到2億2千7百萬捐款,主要用於為被捕人士提供法律費、保釋金借貸、還押在囚物資、緊急經濟支援、醫療與情緒支援費等。
雖然基金收埋收埋都唔少,不過基金曾於四月向公眾公開呼籲捐款,話喺三月嘅動用結餘話只剩下143萬,預計四月開支約要1,500萬喎!最後點?手joke咁「幫得手」,最後梗係達標啦!
基金見到呼籲兩句就達標,梗係希望呢啲嘢陸續有嚟,所以,基金又呼籲市民登記網上月捐或定期捐款,仲叫大家留意基金公布嘅可動結餘,即係話畀大家知,醒少少,自己見到我哋唔夠錢使就好捐啦!
都係嗰句,手joke錢真係易氹!
原圖:「612人道支援基金」facebook
https://www.facebook.com/612Fund/photos/726863031347197
投票已截止,多謝支持