參與泛民「35+」初選, 被控「串謀顛覆國家政權罪」而被還押嘅公民黨前成員楊岳橋、郭家麒、譚文豪、以及獲准保釋嘅李予信,今早聯署去信黨友,表示在保釋審訊時已提出解散公民黨,又指公民黨已經完成歷史任務云云。
四人指公民黨喺立法會層面上,已經冇參政空間,區議員亦可能面臨同樣命運,表示「寫在牆上的政治事實是:公民黨已經完成了歷史任務。」更指擔心黨友安危,強調抉擇刻不容緩,以免更多黨友陷於絕境,所以提出解散公民黨喎。
另外,四人又重申退出政壇,話「只願回歸平淡,做個平凡人」。
但公民黨就一於唔理以上呢位4位嘅建議,話黨內經過多番真誠溝通,最終決定保留公民黨,又話會積極重整發展方向云云。
雖然公民黨話唔會解散,但難得楊岳橋、譚文豪、郭家麒講得出咁好嘅提議,呢鋪撐你哋!
原圖:星島日報
投票已截止,多謝支持