走佬都唔同手joke單聲，郭榮鏗好唔厚道喎，難怪前行政長官、全國政協副主席梁振英都忍唔住串佢啦！日前，失蹤多時的郭榮鏗在社交媒體貼文，表示已經正式申請退出公民黨，再hea hea地以百零字表示感謝公民黨的手joke（請按此重溫）。但原來郭生好耐無聯絡過公民黨，連主席梁家傑都唔知會聲，要從媒體報道先知郭生已帶同全家走佬加拿大，成件事好令人費解。

CY為此在社交平台發文，「郭榮鏗隔洋辭職，公民黨主席梁家傑 的覆函證實了郭榮鏗不僅不辭而別，而且是一直對黨隱瞞行縱。公民黨黨史不要漏了這一節。」

一般打工仔，辭職都要同老闆講聲同正式書面通知。郭榮鏗著草咁大件事，竟然連梁家傑都要透過媒體報道先知，公民黨內部原來無咩溝通，難怪被CY串要載入史冊！

原圖：梁振英facebook