立法會前議員許智峯已經一早棄保潛逃海外,但係佢搞亂香港嘅努力仲喺度發酵緊。舊年許智峯就黑暴期間嘅西灣河警長開槍案同埋深水埗的士司機撞人案提出私人檢控,其後律政司介入案件,最終成功撤銷許的私人檢控。之後許智峯喺著草之前入稟高院申請司法覆核,要求推翻律政司司長撤銷檢控的決定,亦要求法庭裁定律政司司長違反憲法責任。
今日李運騰法官喺高院開庭處理案件嘅初步爭議,律政司指出,許智峯誤導法庭同棄保潛逃,並非申請司法覆核嘅適當人選;認為法庭應該拒絕司法覆核申請,唔可以畀許濫用法庭程序。許智峯代表律師指兩件事涉及公眾利益,許有權提出申請,所以法庭應該受理私人檢控嘅司法覆核申請。最終李官決定將五月十四日前頒布初步爭議的書面判詞,之後再排期處理司法覆核上訴許可申請。
原圖:星島日報
https://hd.stheadline.com/news/realtime/hk/2020296
投票已截止,多謝支持