繼潮興「小圈子」黃色經濟圈後，黃營近來忙到一個點，突解散、流馬尿、忽退黨、刪FB Page，尚有街工的走人劈炮——「不參與民間人權陣線的工作及會議」，好不熱鬧。

二字總括如此熱潮——割席。

已有取捨 重新上路

回想當日所謂「核爆都唔割」，原來要割，其實唔難，亦非黃友想像的「手足」激情。街工短短兩行聲明，沒有哭，亦無淚，陳詞說因都省回，毋須吹雞壯膽，不用搬出「光時」，更唔使好x鍾意香港，在鍵盤上啪啪幾聲，從此一刀兩斷，你走你的抗爭道；我行我的基層路。

果然是西式「民主自由」忠實的追求者！

既然民主派齊齊受審，不復以往，當刻自然是自由價更高，遵循個人，一洗以往大愛左膠之惡名，決不因民陣以棄勞工基層，魚與熊掌，已有取捨；別過民陣，重新上路，最緊要是一路走好。

所以說民陣被傳受查或取締之事，在自由面前，不過爾爾，更何況民陣已否認收外國捐款。此時此刻斬纜跳船，當然與之無關。

其實抗爭道也好，基層路也罷，終究一句，條路自己揀，割席使乜喊……前題是割唔割得乾淨先？吊吊揈，有手尾，那就無謂了！

原圖︰港台資料片段截圖