積弊已久嘅香港電台,終於有望「光復」喇!梁家榮提前卸任廣播處處長一職,日前正式由李百全接棒,下午即刻有三名港台高層宣布劈炮唔撈,當中更包括助理節目主任利君雅嘅上司添,冇人照住嘅利君雅,喺港台仲可以撈到幾耐?大家真係放長雙眼睇落去喇!
黃媒《蘋果日報》引述消息人士報道,宣布辭職嘅三人包括公共事務組總監王祿霞、《頭條新聞》監製廖慧玲、《香港故事》監製方曉山。當中王祿霞正正係利君雅嘅上司,有指佢離職係因為不滿商經局嘅港台檢討報告,聲稱唔想做超越「底線」嘅嘢,仲形容自己喺港台嘅路已完咁話。有傳三人宣布唔撈時,「差唔多全體同事都忍唔住喊」,如果屬實認真感人,但唔知有冇「手足」會齊上齊落呢?
消息人士又話,除咗辭職嘅三人之外,同組另有數名監製將於近年陸續退休,形容該組等同「滅門」,更預料《鏗鏘集》將會係下一個目標;而港台新聞部日前證實,公共事務組另有一名高級監製同監製將於今年年中退休。
新任廣播處處長李百全履新時,有記者問到係咪要「整頓港台」,李百全就強調港台既係政府部門,亦係公共廣播機構,期望與港台團隊共同合作,依《港台約章》行事。
港台高層大換血,到底會帶來乜嘢新氣象?香港電台會唔會做返「香港人嘅電台」?利君雅又將何去何從?香港市民拭目以待!
原圖:頭條日報,大公報,港台新聞圖片
https://hd.stheadline.com/news/realtime/hk/2011083/
http://www.takungpao.com.hk/news/232109/2018/1129/212620.html
https://news.rthk.hk/rthk/ch/component/k2/1573179-20210130.htm
投票已截止,多謝支持