反對派因所謂「初選」,逾50人涉違《國安法》一鑊熟被捕,今日更有47人要提堂。「同路人」落鑊要上庭,快人一步,棄保潛逃,走佬英國的許智峯,則發表「感性」宣言,仲要話「大家一起走過去」。你就人在英國,其他人就隨時或陷獄,「一起走」呢三個字,真係寧舍與別不同!
人在外地,許智峯稱自己「心情忐忑」,又指雖然已有最壞的想像(反對派被落案起訴),但真是發生之時,心入面就「沉重及激動」喎。許生還煞有介事問「昔日戰友」是否安好,仲要只能「無語問蒼天」咁話。
最後,又話咩一切崩壞,路途上僅有「彼此」,又要大家咬緊牙關,唔好放手,要撐住一起走過去。究竟係矯情定贈興,真係許生先知。
許生你人在外地舒舒服服發文,其他人在香港慘慘豬等受審,呢條「沿途有你」之路,真係你我分明囉。如果真係要「一起走過去」,許生會否考慮返港,同自己友齊上齊落呢?
原圖︰許智峯Facebook
https://www.facebook.com/huichifung913/photos/1734301996751989
投票已截止,多謝支持