近日中方反制英國BNO問題成熱話,新民黨立法會議員、行政會議成員葉劉淑儀早前多次批評英國圖插手中國內政(請按此重溫),今日,葉太再於社交網發文,今次引述英國朋友嘅金石良言,再斥英利用港人作政治籌碼。
葉太於Facebook發表題為「英國朋友的金石良言」嘅文章,內容指出在英國政府推出BNO持有人可透過 「5+1」方案後,葉太隨即收到英國朋友電郵,葉太指其朋友認為英國政府應該提供相關方案,斥英方此舉純粹係政治干預以及為香港製造麻煩。
葉太又指,該朋友表示現時英國狀況係超級經濟衰退兼且失業率急升,認為冇咩工作會適合赴英嘅港人,又指如果赴英港人如在英國居住數年而冇一份薪酬較高嘅工作及特殊技能的話,隨時會被「踢走」。更指,攜幾百萬資金移民者,隨時坐食山崩,最終都係會被踢走。葉太表示,該位朋友認為英國政府根本純粹為香港製造麻煩,並且傷害一啲以為由此途徑移居英國便會獲益嘅香港人,該名朋友更反問:「究竟有沒有人告知這些有意赴英的港人,只是被英國利用作為政治籌碼呢 ?」
葉太認為呢位英國朋友所言係金石良言,值得好多香港人反思。英國經濟有幾好,大家心知肚明,BNO「5+1」方案最終目的係咩,想移英者係扮睇唔到定真係天真?
原圖:星島日報
投票已截止,多謝支持