昨日(6日),53個「初選」攬炒友涉顛覆國家政權罪,被一網成擒(請按此重溫),隨即掀起坊間熱烈討論,例如國安法成效顯著、撐國安處嚴正執法等,而一早畏罪潛逃英國嘅前立法會議員許智峯,同埋香港眾志前主席羅冠聰,亦都忍唔住要加把口。許智峯就喺Facebook開post話:「戰友們頂住,香港人頂住!」羅冠聰亦有發文,呼籲戰友「勿陷於恐慌……抱持希望、不再畏縮。」佢哋唔講猶自可,一講啲網民就把幾火,紛紛留言:「隔岸觀火,出賣隊友,出完個post又可以再瞓過!」「在許生心裡面,齊上齊落呢四個字,用嚟講㗎咋!唔係用嚟做㗎!」
著草二人組嘅風涼話,亦令一眾立法會議員不齒。陳克勤話:「成堆『手足』喺香港犯法被拉,自己就喺英國High Tea!」陳恒鑌就似乎有啲勞氣,佢話:「點解可以咁可恥!咁有心就返嚟一齊面對啦!」
許智峯同羅冠聰離開咗一段時間,但因為不忘間中出嚟講幾句,其「香港話題人物」嘅地位都仲屹立不倒,真係好勁呀!
原圖:星島日報、羅冠聰Facebook
https://std.stheadline.com/realtime/article/1468255
https://www.facebook.com/NathanLawKC/photos/a.651788964972440/2420670434750942
投票已截止,多謝支持