黃中之黃戴耀廷去年7月搞立會初選，成班泛民柴娃娃玩埋一份，結果真係攬炒涉違國安法被捕（請按此重溫）。據《蘋果日報》報道，當日有份借場做初選票站嘅黃店淆晒底。

黃店「桔梗」負責人向《蘋果》表示「擔心自己會因借出初選投票場地而被捕」，但就話CCTV系統只會保留片段一個月，初選投票片段應已清除云云。另一間有份借場嘅黃店「阿木台灣麵」店主Polly話早就預咗會受打壓，擔心自己會受影，但似乎亦好慶幸該店CCTV片段只係保留一個禮拜喎。

網民串爆：食得鹹魚抵得渴

當初係威係勢無畏無懼，依家驚到鼻哥窿都冇肉，前後變化真係大。難怪有網民忍唔住串佢哋「食得鹹魚抵得渴」啦。

黃政客豬隊友齊齊搭沉船，連累一眾黃店唔知點算好。不禁要問大家：你認為警方係咪應該一視同仁，拉埋有份協助嘅黃店？

原圖：頭條日報

https://hd.stheadline.com/news/realtime/hk/1944687/