港台早前出咗個所謂《2020年度人物》嘅網上投票,候選人包括有黃到係人都知嘅港台記者利君雅(請按此重溫),隨後有人質疑利君雅憑咩成為候選人。而港台原定會於今日公布《2020年度人物》結果,但港台突指投票出現異常情況,所以決定取消投票喎。
香港電台於英文台節目《Backchat》在網頁宣布,《2020年度人物》網上投票因為出現一些異常情況,更指懷疑選舉被操控,所以決定取消投票。有網民即時串爆港台玩嘢,又指港台輸唔起,質疑港台係因為投票結果不符合其如期所以先取消,「香港電台真係勁,可以知道邊d(啲)係假選票,超越美國了,勁!」、「輸唔起既(嘅),當初就咪搞個投票出黎(嚟)啦」。
10個候選名單,另包括特首林鄭月娥及衞生防護中心傳染病處主任張竹君等。
個結果係咩真係得港台知,又如何得知選舉被操控?港台搞咗一場大龍鳳,結果都係衰收尾,真係得啖笑囉!
原圖:無綫新聞截圖、港台影片截圖
投票已截止,多謝支持