加拿大卑詩省最高法院周二（24日）繼續為華為副董事長孟晚舟引渡案展開聆訊。加拿大皇家騎警隊警長范德格拉夫（Janice Vander Graaf）出庭作供，表示其上司強烈建議於飛機拘捕孟晚舟，但范德格拉夫認為此有越權嫌疑，更指當時情況未到咁緊急，故對此建議有保留，又指有將意見轉達畀當時負責行動嘅警員。

而皇家騎警達利沃爾（Dhaliwal）亦於同日出庭作供，否認加拿大邊境服務局（CBSA）曾要求過索取孟晚舟手機密碼，更指相信美國聯邦調查局（FBI）可以喺冇密碼嘅情況下，進入孟晚舟手機。達利沃爾同時亦承認，自己並無授權搜查孟晚舟電子設備。

加國議員表態支持釋放孟

另外，孟晚舟案近日迎來新轉機？據南華早報報道，有兩位現任加拿大國會議員，新民主黨尼基阿什頓（Niki Ashton）及綠黨保羅曼利（Paul Manly）參加「支持釋放孟晚舟」嘅競選活動，其目的係防止加國同中國關係破裂。另有一位溫哥華市議員亦表態支持釋放孟晚舟，此為首次有現任國會議員公開表示支持釋放。

繼續集氣支持孟晚舟！

原圖：無綫新聞截圖