藝人「叻哥」陳百祥，日前獲香港特區政府頒發「銅紫荊星章」（請按此重溫）。佢愛國愛港，撐警抗黑暴，獲得殊榮可謂實至名歸。

當日佢受勳之後，同傳媒表示知道將要獲得銅紫荊星章時，有啲受寵若驚。之後佢話依家所得到嘅所有嘢，包括生活、喜悅、名利，都係香港畀佢嘅，所以會心懷感恩，「我所得到嘅所有嘢，都係香港畀我嘅！」而出街嘅時候，會將勳章掛喺啲深色嘅衫上面，咁樣會比較顯眼，藉此提醒自己，佢得到呢個額外嘅獎勵，係香港畀佢嘅！

但係好多人，明明喺香港豐衣足食，生活繁榮安定，都唔識感恩，反而覺得政府欠咗佢哋，甚者有人逢中必反，掀起事端，甚至有言要攬炒香港，真係身在福中不知福！

原圖：港台新聞截圖、無綫新聞截圖