中大校長段崇智被指處理「新屋嶺性侵」謠言失當,又曾於「中大奪回戰」到二號橋聲援黑暴學生,事隔一年,四個警察協會去信要求段崇智出嚟承擔責任(請按此重溫)。細細個父母都有教,錯就要認,更何況係為人師表者?之不過,段校長尚未回覆,已有黃營政客率先發難,搶住護航,大鬧警方做法「尖酸刻薄」,更有如文革人鬥人喎!
講嘅就係民主黨「資深」立法會議員涂謹申喇!涂謹申話四警協會嘅公開信「冷嘲熱諷、尖酸刻薄」,形容做法係逼迫段崇智當眾「跪玻璃」認錯,猶如文革批鬥。佢仲死撐話段崇智上年十月所發出,討好黃學生、向黑暴跪低嘅公開信內容中肯,反而四警協會嘅信件係「火上加油」,顯示唔支持政府嘅人,連沉默嘅自由都冇。
明明自己做錯在先,叫你認錯就話係文革式批鬥,原來呢個就係黃色政客嘅「神邏輯」,真係唔怪得一班攬炒派可以咁理直氣壯作亂香港啦!
原圖:星島日報圖片
https://std.stheadline.com/realtime/article/948940
https://std.stheadline.com/politics/article/1399032
投票已截止,多謝支持