近日黃營一干政客涉違立會特權法被捕，包括立法會議員民主黨胡志偉、尹兆堅、黃碧雲，以及工黨張超雄等4人，周四上庭；警方表明不排除更多人被捕，最新發展是連許智峯都被拉埋。據報道，由於立會本周三、四預計將審議多條譴責議案，其中3條涉及搶手機蝦女人嘅許智峯、歧視懷孕議員嘅毛孟靜、喪拉布阻內會選主席嘅郭榮鏗，民主黨尹兆堅顯然好擔心到時黃營會唔夠票，譴責議案有可能通過，三人或將被DQ！

自己攞嚟 與人無尤

眾所周知，按照議事規則，譴責議案要得到在席三分之二議員支持先過到，而家黃營一炮過少咗四票，甚至更多，你話佢哋唔驚到鼻哥窿冇肉就有鬼。不過，尹兆堅做人好有原則，堅持唔怪自己人涉犯法，反而賴叫4名涉案議員上庭係要令佢哋缺席，造成唔夠票嘅狀況喎。總之，有錯要認，但佢就要對方認囉！

計小編話齋，黃政客自己攞嚟衰，與人無尤，建制派一於開行Turbo去馬，通過晒涉及黃政客嘅譴責議案，送佢哋一程！

原圖：星島日報

https://std.stheadline.com/realtime/article/703177/即時-港聞-搶EO手機-胡志偉稱CCTV有盲點-許智峯去留待法庭裁決後再定

https://std.stheadline.com/realtime/article/879529/即時-港聞-DQ朱凱廸-指事件證明港府人治-郭榮鏗-將籲美國朝野緊盯港形勢

https://std.stheadline.com/realtime/article/1380846/即時-港聞-修訂警察通例-民主派批變相政府發記者牌-毛孟靜-陰乾-網媒