警務處處長鄧炳強上任將滿一年，一直予公眾溫文爾雅嘅形象，但佢喺大是大非面前，絕不輕言退讓！九龍城區議會14議員仇警上腦，竟聯署要求取消一哥到訪嘅議程，面對黃議員刁難，一哥亦毫不客氣，話唔去就唔去，更霸氣表示黃友只係懼怕佢嘅正義（請按此重溫）！

一哥前日（14日）面見傳媒時字字珠璣，一針見血咁指出，有人驚市民知道邊個先係「自說自話、偽善、講大話」，所以先唔想佢喺鏡頭前講真話。或者係因為一哥此番豪言壯語收敲山震虎之效，向來潑辣、多次針對警方代表嘅中西區區議會主席鄭麗琼，喺第二日（15日）召開會議時，竟然唔敢好似之前咁，狂言驅逐警方代表。

鄭麗琼忽然龜縮，有網民就突破盲點，認為係一哥之功，「知道鬥唔過一哥咪縮囉」！不知大家是否同意？

原圖：香港警察Facebook影片截圖、點新聞截圖