在反修例黑暴期間,黃黑陣營發明了兩個名詞:「裝修」和「懲罰」。裝修者,即是破壞藍店,在藍店大肆搗亂;而懲罰,則是指光顧黃店,畀錢黃店賺咁解。黃營中人應該都知這兩名詞的意思,不過,有部分身嬌肉貴、高高在上的人,對這類較草根的用語可能不太了解。日前,公民黨主席梁家傑在社交媒體發帖,話自己裝修咗兩間黃店。此帖一出,即時引來極大迴響,不少黃友恥笑梁家傑「堅離地」,又想扮貼地,真係黃色自己人都唔畀面。事件暴光後,梁家傑知道搞錯,快手改返做「懲罰」,可惜已太遲,不少「圖夫」已Cap圖並將之發揚光大,更留言指梁家傑從來都唔係「同路人」。
梁大狀係社會賢達,離地就梗啦!不過,既然自己咁「高」,就無謂扮貼地,講乜嘢「齊上齊落」,佢幾時有落過啫?
原圖:梁家傑Facebook圖片
https://www.facebook.com/12840197743/photos/pcb.10158683181432744/10158683181232744/?type=3&theater
投票已截止,多謝支持