台灣代表竟自封「大使」,有冇搞錯?「台北經濟文化代表處代表」蕭美琴近日將社交平台帳號嘅簡介改為「台灣駐美大使(Taiwan Ambassador to the US)」,引起外界關注。佢仲死撐話簡介上嘅「Ambassador」雖然唔係美國官方承認嘅稱謂,但係美方各界有唔少朋友都會咁樣稱呼佢喎!
蕭美琴狡辯話並非自封大使,但就話自己實際工作比其他國家大使更多同複雜,「For all practical purposes,我在美國代表台灣」,雖然自己同美國政府互動嘅正式職銜仍然係「台北經濟文化代表處代表」,但事實上「Ambassador」已經成為美方各界友人稱呼佢嘅方式。
一直鼓吹台獨、妄想分裂國家嘅台灣地區領導人蔡英文,日前亦力保蕭美琴,指佢一直非常積極努力,唔理蕭美琴頭銜係乜,都會為台灣努力,同美方保持良好溝通云云。
台獨友一再試探「一中原則」紅線,區區地區代表竟以「大使」自居,居心叵測!身為中國人一定要譴責到底!
原圖:蕭美琴Twitter截圖
投票已截止,多謝支持